Paigham Saba layee hay yeh Gulzar-e- Nabee 
say.
Aaya hay Bulava mujhe Darbar-e- Nabee say,
Her aah gaee arsh peh, yeh aah kee Qismat,
Her ashk peh ik khuld hay her ashk kee Qeemat,
Tohfa yeh mila hay mujhe Sarkar-e- Nabee say,
Aaya hay Bulava mujhe Darbar-e- Nabee say,
Bhatee naheen hamdam mujhe jannat kee javanee.
Sunna naheen Zahid mujhe Hooron kee kahanee.
Ulfat hay mujhe Saaya-e- Deevar-e- Nabee say.
Aaya hay Bulava mujhe Darbar-e- Nabee say,
Irfan kee kasak, khulq kee maye, sabr ka saaghar,
kia lutf mila kerta hay jo daite hain Sarvar,
yeh poochhay koi aa ke Beemar-e- Nabee say.
Aaya hay Bulava mujhe Darbar-e- Nabee say,
Paigham Saba layee hay yeh Gulzar-e- Nabee say.
Aaya hay Bulava mujhe Darbar-e- Nabee say,
