Archive for 1 All Lyrics

Na Baharein Na Hi Gulzaar

Na baharein na hi gulzaar nazar aate hain
Jiss taraf dekh lo Sarkar (salla Llahu ‘alayhi wa sallam) nazar aate hain

Aaj bik jaun, ke yeh mauka na ayega kabhi
Aaj woh khud hi kharidaar nazar aate hain

Aise lagta hai mere Aaqa (salla Llahu ‘alayhi wa sallam) challe aate hain
Raqs karte dar-o-deewar nazar aate hain

Ankh se ansoo nahi, sajde gira karte hain
Jab tere Gumbad-o-Minaar nazar aate hain

Jis ki qismat mein ho Taiba ki galli ke phere
Woh na jannat ke tallabgaar nazar aate hain

Aise lagta hai mere Aaqa (salla Llahu ‘alayhi wa sallam) challe aate hain
Wajd karte dar-o-deewar nazar aate hain

Qadmon ka kaam hai yeh dagmaagate hain
Dil to gir jaayein jahaan wahin parre rehte hain

Unke aane ki gharri hai woh hain aane waale
Mere Sarkar ki mehfil ko hum saajaye hue hain

Maine meraj ki shab baat yeh jaani hai Sammi
Jo ho Dilbar unhein Dildaar nazar aate hain

Na baharein na hi gulzaar nazar aate hain
Jiss taraf dekh lo Sarkar nazar aate hain

Advertisements

تبصرہ کریں

Na chedo zirk e jannat ab Madinah yaad aya hai

Na chedo zirk e jannat ab Madinah yaad aya hai
Nabi ka sabz Gumbad dil ki aankhaon me samaya hai

Mila karti hai mooh maange muradein Unke Rauze par
Ghulamau ne Tere Dar se jo maanga hai woh paya hai

Khuda ki Sultanat ke Tum ho Dulha Ya Rasoolullah (salla Llahu ‘alayhi wa sallam)
Tumhare waaste RABB ne yeh A’alam sajaya hai

Shabe Asra Mubarak baad dee yeh hooraun ne
Muhammed ko Khuda e Pak ne Dulha banaya hai

Namazaun me Azaan me Kalmah me aur Arsh par har ja
Khuda ne naam Tera naam se apne milaya hai

Zameen ko cheerte daude huwe aae hai khidmat me
Darakhtaun ne isharah Aapka jis waqt paya hai

Tumhari zaat par kyun kar bharosa ho na alam ko
Gunah-garaun ko Tumne naar e dozakh se bachaya hai

Ijabat ne liya bosah Tumhare pyare hotaun ka
Dua ke waaste jis waqt Tum ne lab hilaya hai

Koee pur saane haal apna nahi hai Ya Rasoolullah (salla Llahu ‘alayhi wa sallam)
Jo apna hai to Tu hai aur baqi sab paraya hai

Sana e Mustafa woh bhi rawayat e sahiha se
Jameele Qadri kya khoob tere paas maya hai

تبصرہ کریں

NA HO AARAAM JIS BIMAAR KO SAARE ZAMAANE SE

NA HO AARAAM JIS BIMAAR KO SAARE ZAMAANE SE
UTHAA LEJAAYE THORI KHAAK UNKE AASTAANE SE

TUMHAARE DAR KE TUKRO SE PARAA PALTA HE EK AALAM
GUZAARA SUB KA HOTAA HE USSI MUHTAAJ KHAANE SE

SHAB-E-ASRA KE DOOLHA PAR NICHAAWAR HONE WAALI HE
NAHEE TO KYA GARAZ THEE ITNI JAANO KI BANAANE SE

NA KYU UNKI TARAF ALLAH SOU SOU PYAAR SE DEKHE
JO APNI AANKHE MALTE HE TUMHAARE AASTAANE SE

NA POHONCHE UNKE QADMO TUK NA KUCH HUSNE AMAL HI HE
HASSAN KYA POOCHTE HO HUM GAYE GUZRE ZAMAANE SE

تبصرہ کریں

Naat Sarkar ki pardhata huN mey,

Naat Sarkar (salla Llahu ‘alayhi wa sallam) ki pardhata huN mey,
Bas issi baat say ghar mey meray Rahmat ho gi

Ik Tera naam wasilah hai mera…
Zikr-e-Sarkaar wasilah hai mera…

Ranj-o-gham mey bhi issi naam say rahat ho gi
Kyun keh Muhammad (salla Llahu ‘alayhi wa sallam) ka naam bhi kya ism-e-azam hai,
jahaan koi na kaam aaey, wahan yeh kaam aata hai!

Subhan’Allah!

Aur yeh suna hai keh bohot gowr andheyri ho gi….
Qabr ka khowf na rakhna ey dil,

wahan Sarkar-e-Madinah ki ziyarat ho gi
Qabr ka khowf na rakhna ey dil,
wahan Sarkar kay Chehray ki ziyarat ho gi

Subhan’Allah!

Unko Mukhtar banaya hai meray Mowla nay,
Khuhld mey bas wahi jaa sakta hai
Jis ko Hasnain kay baba ki ijazat ho gi.

Subhan’Allah!

Hashr ka din bhi ajab deykhney waala ho ga,
Zulf lehra kay woh jab aaaein gay,
Phir qiyamat mey bhi ik aur qiyamat ho gi.

تبصرہ کریں

Naat Sunta Rahoon

Naat Sunta Rahoon Naat Parhta Rahoon
Aankh Purnam Rahay Dil Machalta Rahay
Najm-E-Naam-E-Muhammad Zuban Par Rahay
Zikr Hota Rahay Saans Chalta Rahay

Chorus

Baisaharoon Ka Koi Sahara Nahin
Mustafa (salla Llahu ‘alayhi wa sallam) Kay Siwa To Guzara Nahin
Unki Chasm-E-Karam Ho To Kuch Ghum Nahin
Chahay Sara Zamana Badalta Rahay

Chorus

Ishq Ahmad Si Duniya Main Naimat Nahin
Mal O Zar Ki Bhi Koi Haqiqat Nahin
Badshaoon Say Behtar Bhikari Hai Woh
Unkay Dar Pay Tukrhoon Pay Jo Palta Rahay

Chorus

Kiya Bhala Asakay Zindagi Kay Mazay
Door Reh Kar Habib-E-Khuda Say Mujhay
Uski Halat Karoon To Karoon Kia Biyan
Har Ghari Jo Furkat Main Jalta Rahay

Chorus

Yeh Dua Hai Salamat Sada Ghum Rahay
Ta Abad Rab Tais-E-Qayam Rahay
Aatishay Ishq Har Dum Bharhakti Rahay
Khoon Roota Rahoon Dil Pighalta Rahay

Chorus

Mustafa Ki Nazar Jis gharhi Ho Gaee
Uski Takdeer Khoti Khari Hogaee
Usko Thukrae Sara Jahan Bhi Agar
Girne Wala Magar Phir Sanbhalta Rahay

Chorus

Najm Ki Ae Khuda Aarzoo Hai Yehi
Aashiq-E-Zaar Ki Aabroo Hai Yehi
Aakhri Waqt Sar Unkay Kadmoon Pay Ho
Deed Hoote Rahay Dum Nikalta Rahay

Chorus

تبصرہ کریں

Naat-e-Sarkaar Ki Parta Hoon Mein

Naat-e-Sarkaar (salla Llahu ‘alayhi wa sallam) ki parta hoon mein
Bas issi baat say ghar mein meri rahmat hogi
Ik tera naam waseela he mera
Ranj o gham mey bhi iss naam sey rahat hogi

Ye suna hey kay bahot ghor andheri hogi
Qabar ka khowf na rakna ey dil
Waha Sarkar e Madina (salla Llahu ‘alayhi wa sallam) ki ziarat hogi

Unko Mukhtar banaya hey merey Mola ney
Khuld mein bas wahi ja sakta hein
Jisko Hasnain kay baba ki ijazat hogi

Unki chokat pey parey he to bari moj mein hey
Lot kay ayengey jab us dar sey
Merey dil tu hi bata kya teri halat hogi

Hashr ka din bhi ajab deykna vala hoga
Zulf lehra key wo jab ayengey
Phir qiyamat mein bhi ik aur qiayamat hogi

Rashk sey door karey deyktey hogay Zaahid
Jab sare Hashr gunahgaro pey
Merey aaqa ka karam hoga inayat hogi

Kahi Ta Ha kahi Yaseen kahi Washams aaya
Jiski qasmay mera Rab kaata hey
Kitni dil kash merey Mehboob ki surat hogi

Do jahaan mein usse kon pana deyga
Hoga ruswa sare hashr jise
Sayyida Zahra kay bach sey adawat hogi

Mayray Sarkaar Bulaa Ain Gay, Apni Ki Chokat Pay,
Wo Nazaara Phir May Daykoon Ga,
Dekh Kar Gumbad E Khazra, Mayri Ulfat Hogi

Mera daman to gunaho sey bhara hey Iltaf
Ik sahara hey kay mein unka hoon
Issi nisbat sey sar-e-Hashr shifa-at hogi

تبصرہ کریں

Nabi ka Uncha Naam Nabi Ka Unchaa Naam

Nabi ka Uncha Naam Nabi Ka Unchaa Naam
Nabi ka Uncha Naam Nabi Ka Unchaa Naam

Meri Kismat Jagane Ko Nabi ka naam Kaafi Hai
Hazaron Gham Mitane Ko Nabi ka Naam Kaafi Hai

Nabi ka Uncha Naam Nabi Ka Unchaa Naam
Nabi ka Uncha Naam Nabi Ka Unchaa Naam

Ghamon ki Dhoop Ho Ya Phir Hawayen Tez Chalti Hon
Mere Iss Ashiyane Ko Nabi ka Naam Kaafi Hai
Nabi ke Iss Deewane Ko Nabi Ka Naam Kaafi Hai

Nabi ka Uncha Naam Nabi Ka Unchaa Naam
Nabi ka Uncha Naam Nabi Ka Unchaa Naam

Sulagti Aa’g Par Habshii ke Honton se Sada Aayi
Meri Bigri Banane Ko Nabi ka Naam Kafi Hai
Meri Bigri Banane Ko Nabi ka Naam Kafi Hai

Nabi ka Uncha Naam Nabi Ka Unchaa Naam

Khushi Ho Ya Koi Gham Ho Nabi Ka naam Leta Hon
Khushi Ho Ya Koi Gham Ho Nabi Ka naam Leta Hon
Ke Har ek Gham Mitane Ko Nabi ka Naam Kaafi Hai

Jo Poocha Pyaar-e-Aaqa ne Kaha Siddiqe Akbar Ne
Mere Saare Gharane Ko Nabi ka Naam Kaafi Hai
Mere Saare Gharane Ko Nabi ka Naam Kaafi Hai

Nabi ka Uncha Naam Nabi Ka Unchaa Naam
Nabi ka Uncha Naam Nabi Ka Unchaa Naam

Yahi Kehta Hai Qaisar Bhi Yahi Sab Loag Kehte Hain
Yahi Kehta Hai Qaisar Bhi Yahi Sab Loag Kehte Hain
Ke Iss Saare Zamane Ko Nabi ka Naam Kaafi Hai

Nabi ka Uncha Naam Nabi Ka Unchaa Naam
Nabi ka Uncha Naam Nabi Ka Unchaa Naam

Meri Kismat Jagane ko Nabi Ka Naam Kaafi Hai
Hazaron Gham Mitane Ko Nabi Ka Naam Kaafi Hai

تبصرہ کریں

Older Posts »