Archive for Z

Zaer-e-Koay Jinaah Aahista Chal

Zaer-e-Koay Jinaah Aahista Chal
Dekh Aaya Hai Kahaan Aahista Chal

Jaisay Jee Chahay Jahan Mein Ghoom Phir
Ye Madina Hai Yahan Aahista Chal

Baargah-e-Naaz Mein Aahista Bol
Hoga Sab Kuch Rayegaan Aahista Chal

Haazri Mein Hai Malak Sattar Hazaar
Qudsiyon Ke Darmiyan Aahista Chal

Dekhloon Jee Bhar Ke Sheher-e-Mustafa
Mere Meer-e-Kaarwan Aahista Chal

Jaliyon Ke Saamnay Jaldi Na Kar
Woh Hai Naazish Meherbaan Aahista Chal

Advertisements

تبصرہ کریں

Zahe muqaddar huzur-e-haq se salaam aaya payam aaya

Zahe muqaddar huzur-e-haq se salaam aaya payam aaya
Jhukao nazreen bichao palkeen adab ka aala maqam aaya

Yeh kon sar se kafan lapetey chala hai ulfat ke raatey par
Farishtey hairat se tak rahe hain yeh kon zi ehteram aaya

Faza mein labbaik ki sadain za farsh ta aarsh goonjhti hain
Har ek qurban ho raha hai zaban pe yeh kis ka naam aaya

Yeh rahe-haq hai sambhal ke chalna yahan hai manzil qadam qadam par
Pohanchna dar par to kehna aaqa salaam lijiye ghulam aaya

Yeh kehna aaqa bohat se aashiq taraptey se choor aaya hoon mein
Bulawe ke muntazir hai lekin na subah aaya na sham aaya

Dua jo nikli thi dil se aakhir palat ke maqbool ho ke aai
Woh jazba jis mein tarap thi sachi woh jazba aakhir ko kaam aaya

Khuda tera hafiz-o-nigehban o rahe batha ke jaane wale
Nabi (salla Llahu ‘alayhi wa sallam) de saad in bisat ban kar payam darood-o-salaam aaya

Zahe muqaddar huzur-e-haq se salaam aaya payam aaya
Jhukao nazreen bichao palkeen adab ka aala maqam aaya

تبصرہ کریں

Zameen Maili Nahi Hoti Zaman Maila Nahi Hota

Zameen Maili Nahi Hoti Zaman Maila Nahi Hota
Zameen Maili Nahi Hoti Zaman Maila Nahi Hota
Muhammad (salla Llahu ‘alayhi wa sallam) Ke Gulamon Ka Kafan Maila Nahi Hota

Muhabbat Kamli Wale se Woh Jazba Hai Suno Logo
Yeh Jis Mann Main Sama jaaye Woh Mann Maila Nahi Hota
Muhammad (salla Llahu ‘alayhi wa sallam) Ke Gulamon Ka Kafan Maila Nahi Hota

Gulon ko Choom Laite Hain Seharnam Shabnami Qatre
Nabi ki Naat Sun Le tu Chaman Maila Nahi Hota

Muhammad (salla Llahu ‘alayhi wa sallam)Ke Gulamon Ka Kafan Maila Nahi Hota
Muhammad (salla Llahu ‘alayhi wa sallam) Ke Gulamon Ka Kafan Maila Nahi Hota

Jo Naam-e-Mustafa Choome Nahi Dukhti Kabhi Ankhen
Pehen Le Pyaar jo Unka Badan Maila Nahi Hota
Muhammad (salla Llahu ‘alayhi wa sallam) Ke Gulamon Ka Kafan Maila Nahi Hota

Nabi Ka Daman-e-Rehmat Pakar Lo Aey Jahan Walo
Rahe Jab Tak yeh Hathon Main Chalan Maila Nahi Hota
Muhammad (salla Llahu ‘alayhi wa sallam) Ke Gulamon Ka Kafan Maila Nahi Hota

Main Nazan tu Nahi Nasir Magar Apna yeh Dawa hai
Sana-e-Mustafa karne se Fan Maila Nahi Hota
Muhammad (salla Llahu ‘alayhi wa sallam) Ke Gulamon Ka Kafan Maila Nahi Hota

تبصرہ کریں

Zamino Zamaan Tumhare Liye

Zamino Zamaan tumhare (salla Llahu ‘alayhi wa sallam) liye
Makino Makan tumhare liye

Chunino Chuna tumhare liye
Bane do jahan tumhare liye

Dahan me zuban tumhare liye
Badan me hai Jaan tumhare liye

Hum aye Yahan tumhare liye
Uthe bhi Wahan tumhare liye

Farishte Khidam Rasoole Hashm
Tamame Umam Ghulame karam

Wajoodo Adam Haduso kidam
Jahan me aya tumhare liye

Atiko wasi Gani-o-Ali
Sana ki Zuban tumhare liye

Asaalate kul Imaamate kul
Siyaadate kul Imaarate kul

Hukoomate kul Wilayate kul
Khuda ke Yahan tumhare liye

Tumhari Chamak tumhari Damak
Tumhari Jhalak tumhari Mahak

Zamino Falak Simako Samak
Me sikka rawa tumhare liye

Ye Shamso Qamar ye Shaamo Sahar
Ye bargo shajar ye baago samar

Ye tego sipar ye Taajo kamar
Ye hukme Rawan tumare liye

Na Roohe Ami na Arshe maki
Na Laohe Mubin koyee bi kahin

Khabar hi nahin jo Ramz khile
Azal ki Nihan tumhare liye

Jina me Chaman Chaman me Saman
Saman me Phaban Phaban me Dulhan

Sazaa’e Mahan par aise Minan
Ye amno amaa tumhare liye

تبصرہ کریں

Zarey zarey pey chaya huwa Noor hai

Zarey zarey pey chaya huwa Noor hai
Zarey zarey pey chaya huwa Noor hai
Merey meethey Madineh ki kya baat hai

Noor sey sab fiza iss ki ma’amoor hai
Merey meetey Madineh ki kya baat hai

Noor phoolo mai hai Noor galiyo mai hai
Noor bazaar mai Noor Galiyon mai hai
Dast o kausaar par Noor hi Noor hai
Merey meethey Madineh ki kya baat hai

Har taraf rehmato ki hai cha’i gatah
Mehki mehki hai kya hoob madni fiza
Zarey zarey pey qurbaan yaha tor hai
Merey meethey Madineh ki kya baat hai

Kya byaa dashtey tayba ki ho hoobiya
phool to phool, kaantey bi dilkash yaha
pathey pathey pey chaya huwa Noor hai
Merey meethey Madineh ki kya baat hai

Kaif o masti mai doobey huwey raat o din
bheeni husboo say mehkey huwey raat din
jis ko dekho yaha aa kai masroor hai
Merey meethey Madineh ki kya baat hai

Baagey thayba mai rehti hai har dam bahaar
aa kai dekho yaha ka samaa hush’guaar
sab fiza is ki hushboo sai bar’poor hai
Merey meethey Madineh ki kya baat hai

Gam’zado jo bi darbaar may aa gya
Shah ki who nigaa’e karam paa gya
Saarah ranj o a’lim is ka kafoor hai
Merey meethey Madineh ki kya baat hai

Yai Madineh hi ko to fazeelat mili
Kai issi mai bana hai mizzar e Nabi
Gunbade sabz har aankh ka Noor hai
Merey meethey Madineh ki kya baat hai

Sabz gumbad kai jalwoh pey qurbaan jaa
balkey qurbaan hai husn e kon o makaa
har minaar e pey chaya huwa Noor hai
Merey meethey Madineh ki kya baat hai

Haak e thayba mai rakhi hai Rab nai shifa
Saari bimaariyo ki hai is mai shifa
Is ki barkat sai har ik marz door hai
Merey meethey Madineh ki kya baat hai

Aas nujh ko tumhaarai karm ki Shah
Beek day doh mujhe apne gham ki Shah
Keh do Aqa teri arz mazoor hai
Merey meethey Madineh ki kya baat hai

Phir Madineh ka rangeen gulzaar hai
Aur muqadar sai Attar e bar kaar hai
Is ka naama gunaaho sai bar’poor hai
Merey meethey Madineh ki kya baat hai

تبصرہ کریں

Zarrey jharr kar tere payzaron ke

Zarrey jharr kar tere payzaron ke
Taaj-e-Sar bante hain Saiyaaron ke

Hum se chorron pe jo farmayein karam
Khil’ate zar bane pushtaaron ke

Mere Aaqa (salla Llahu ‘alayhi wa sallam) ka woh dar hai jis par
Maathe ghiss jaate hain Sardaaron ke

Mere ‘Isaa tere sadqe jaoon
Tor be-tor hain bimaron ke

Tere abru ke tassaduq pyare
Band qurrey hain gariftaaron ke

Jaan-o-dil tere qadam par waare
Kya naseebe hain tere yaaron ke

Siddique ki sadaqat -Zindabad!
Farooq ki adalat – Zindabad!
Uthmaan ki sakhawat – Zindabad!
Haidar ki shujahat – Zindabad!

Siddq-o-Adl-o-karam-o-himmat mein
Char su shohrrey hain in chaaron ke

Tere tasleem-e-‘Ali maidaan mein
Sar jhukkey rehte hain talwaaron ke

Kaise Aqaaon ka banda hoon Raza
Bol baale meri Sarkaron ke

Zarrey jharr kar tere payzaron ke
Taaj-e-Sar bante hain Saiyaaron ke

تبصرہ کریں

Zikr e kherulwara bay khatar kijiay

Zikr e kherulwara bay khatar kijiay
Haan yahi kaam shaam o sahar kijiay

Chaahtay ho jo barsay karam ki ghattaa
Aap kay ghar bhi a-ayn habeeb e Khuda (salla Llahu ‘alayhi wa sallam)
Naat say roashni apnay ghar kijiay

Gham milay ya kay haasil ho koii khushi
Lab pay jaari rahay ya nabi ya nabi
Iss taraah zindgaani basar kijiay

Har taraf say ghulaamon ki he yay sadaa
Almadad Mustafa almadad Mustafa
Sadqa hasnein ka ik nazar kijiay

Zindagi mayn hazaron safar kar liay
Dil nay chaaha na chaaha magar kar liay
Ab dar e Mustafa ka safar kijiay

Chaahtay ho jo barsay karam ki gahattaa
Lab pay jaari rahay mustafa mustafa
Iss taraah zindgaani basar kijiay

Laakhon tufaan heyn laykin kinara nahiin
Or naasir ka koii sahara nahiin
Ik nazar ik nazar ik nazar kijiay

تبصرہ کریں

Older Posts »